(ВИДЕО) ГО КРИТИКУВААТ ВУЧИЌ ЗОШТО РАЗГОВАРАЛ СО ЗЕЛЕНСКИ: Тој вели дека Украина не го признала Косово и секако ќе му подаде рака
Објавено во: Балкан 01 Јуни, 2023
Во Молдавија, српскиот претседател Александар Вучиќ разговарал и со украинскиот претседател Володимир Зеленски. Тие се сретнале на самитот на Европската политичка заедница во Булбоака. Вучиќ за српските медиуми рече дека не може да открие повеќе за што муабетеле, освен дека тоа било поврзано со територијалниот интегритет на Србија и на Украина, пренесува Б92.
Тој вели дека е логично да му подаде рака на човекот кој не го признава Косово, мислејќи на Зеленски, односно на Украина.
„Замислете, сега скокнаа дека сум разговарал со Зеленски. Па што ако не се сретнам со човек кој не ги признава Косово и Метохија. Сите сакаат Србија да се однесува екстремистички, без да ги признае нејзините интереси. Ако сум единствениот за да ги бранам нашите интереси, јас ќе бидам единствениот што ќе го направи тоа. Зарем не треба да му подадам рака на човек кој не го признава Косово? Нема да го сторам тоа“, изјави Вучиќ.
На видеото се гледа како Вучиќ и Зеленски разговараат пред замокот Мими во Булбоака. Србија е земја која не воведе санкции за Русија. Неколку европски земји не го признаваат Косово.
фото твитер принтскрин