26 Ноември, 2020
0.0188

(ВИДЕО) ГО ПРЕЖИВЕА МАСАКРОТ ВО МЕКСИКО: Одел пеш 23 километри за да бара пoмош

Објавено во: Свет 06 Ноември, 2019

По масакрот, кој се случи во Мексико, момче изодело цели 23 километри во потрага по помош.

Девин Блејк Ленгфорд, американско момче кое го преживеа грозоморниот напад, успеало да скрие шест браќа и сестри во грмушки, а потоа одело 23 километри за да повика помош.

На локален пат во мексиканската држава Сонора, на границата со САД, вчера е убиено деветчлено американско мормонско семејство, три мајки и шест деца, во заседа на убијци од наркокартел. Во нападот во понеделникот загинаа: Ронита Марија Лебарон, нејзините осуммесечни близнаци Титус и Тијана, две нејзини деца Кристал (10) и Хауард (12), Кристина Ленгфорд Џонсон, Доана Реј Лендфорд и двете од децата на Зора, Тревор (11) и Роган (3) .

Откако видел дека неговата мајка и брат загинале, Девин ги скрил своите шест браќа и сестри во грмушка и ги покрил со гранчиња за да бидат безбедни. Бидејќи не се вратил долго време, неговата деветгодишна сестра го напуштила засолништато за да се обиде да стигне до селото, открива нивната братучетка, Кендра Милер.

Девојчето Мекензи Рајн Ленгфорд, со часови талкало низ мракот, сè додека не била пронајдена по неколку часа откако другите деца се спасени.

Децата биле сами повеќе од шест часа. Од снимките на разговорите меѓу спасувачите, може да се слушне дека се водела дебата за тешката одлука дали да се ризикуваат уште животи или да се чека пристигнувањето на мексиканската армија.

Осум деца, од кои некои се само бебиња, го преживеале нападот во кој беа убиени нивните мајки, но минале низ пекол криејќи се со часови во грмушки. 


Напаѓачите стрелале во три возила во кои се наоѓале жртвите инаку жители на северниот дел од Мексико. Едно од возилата било целосно опожарено.

Пет деца се тешко повредени по што мексиканските власти ги пренеле преку границата со воен хеликоптер за да добијат лекарска помош во САД.

Трите други деца кои не се повредени, биле сместени кај членови на семејството во селото Ла Мора.

Мексиканските власти соопштија дека тие најверојатно биле жртви на заменет идентитет и дека напаѓачите веројатно сметале оти големото теренско возило припаѓа на ривалската банда.

Повеќето жители на селото Ла Мора имаат двојно државјанство, американско и мексиканско и себеси се декларираат како мормони иако официјално не се поврзани со ниту една црква.

Нивните предци кои биле припадници на одметната мормонска црква се населиле на северот од Мексико пред повеќе децении.

Соединетите Американски држави им објавија војна на нарко картелите и и понудија воена помош на Владата на Мексико.

Можеби ќе ве интересира

(ВИДЕО) Русите пет години ќе го чуваат мирот во Нагорно - Карабах

(ВИДЕО) Русите пет години ќе го чуваат мирот во Нагорно - Карабах

На 60 години почина Диего Марадона

На 60 години почина Диего Марадона

Се ближи Божиќ - Европа ги олабавува мерките

Се ближи Божиќ - Европа ги олабавува мерките

Поранешната еврокомесарка Вивијан Рединг го критикува исклучувањето на компаниите од изградбата на 5Г мрежи само врз основа на националноста

Поранешната еврокомесарка Вивијан Рединг го критикува исклучувањето на компаниите од изградбата на 5Г мрежи само врз основа на националноста

Потврдена победата - Бајден: Ја враќам Америка да го води светот

Потврдена победата - Бајден: Ја враќам Америка да го води светот

ТЕОРИИ НА ЗАГОВОР: Четвртина од Италијанците веруваат дека коронавирусот е создаден за контрола на луѓето

ТЕОРИИ НА ЗАГОВОР: Четвртина од Италијанците веруваат дека коронавирусот е создаден за контрола на луѓето

Коронавирусот прво се појавил во Европа, па дури потоа во Кина?

Коронавирусот прво се појавил во Европа, па дури потоа во Кина?

Ентони Фаучи прогнозира какви размери ќе има вирусот до крајот на годинава

Ентони Фаучи прогнозира какви размери ќе има вирусот до крајот на годинава

ЗА СИТЕ ШТО ЌЕ САКААТ ДА ЛЕТААТ СО АВИОН - вакцината против ковид ќе биде задолжителна?

ЗА СИТЕ ШТО ЌЕ САКААТ ДА ЛЕТААТ СО АВИОН - вакцината против ковид ќе биде задолжителна?