(ВИДЕО) Голем пожар ги вознемири Грците
Објавено во: Балкан 01 Јули, 2020
Голем пожар денеска ги вознемири Грците, но потоа е ставен под контрола.
Противпожарната служба на Грција со возила, авиони и хеликоптери и со помош на волонтери успеа да го локализира пожарот на грчкиот остров Хиос.
Во гаснењето на пожарот учествуваат 27 пожарникари со девет возила, еден пешадиски тим, два хеликоптери и два авиони.
Ова го направија без да биде потребно да се евакуираат селата што се во непосредна близина, објавија локалните медиуми, јави дописничката на МИА од Атина.
Пожарот избил утрово во шумскиот дел меѓу две села, а огнот стигнал на 100 метри од куќите, по што локалните власти биле подготвени, да се изврши евакуација.
На 12 јуни, голем пожар беснеше на третиот крак во Грција.