(ВИДЕО) ХОРОР ВО АКАПУЛКО: Убиени гости во бар во местото каде уживаше холивудскиот џет-сет
Објавено во: Свет 22 Јули, 2019
Низа насилни инциденти го потресоа познатиот мексички град Акапулко .
Светските медиуми пренесуваат дека се убиени четири мажи и повредени уште седуммина во популарен бар во некогашното гламурозно одморалиште на бреговите на Тихиот океан.
Обвинителството на државата Гереро соопштило дека жртвите се жители на Акапулко и дека еден од осомничените е уапсен.
На лице место на злосторството форензичарите нашле 21 чаура.
Се наведува и дека пукањето се случило во локалот Мистер бар, кој се наоѓа на таканречената златна зона, на една од широките градски авении, преку патот на луксузните хотели на брегот, пренесе АП.
Веќе неколку дена порано во Акапулко се подигнати безбедносните мерки на старт на туристичката сезона а бидејќи се бележи раст на насилствата и убиствата, бројот на туристи во местото кое некогаш беше популарно меѓу припадниците на холувудскиот џет сет е во пад.
Фото: Принтскрин Јутјуб