(ВИДЕО) ИМА ПОВРЕДЕНИ: Албанците се обидоа да влезат во зградата на Рама
Објавено во: Балкан 26 Мај, 2018
Најмалку 11 полицајци се повредени денеска при судири меѓу полицајците и учесниците во антивладните протести во Тирана.
Началникот на тиранската полиција Арди Велиу, рече дека полицијаците се повредени при судир со група демонстранти кои се обиделе да го пробијат полицискиот кордон и да стигнат до зградата на албанската Влада.
На антивладините протести во Тирана учествуваа неколку илјади сипатизери и приврзаници на албанската опозиција, која бара оставки на премиерот Еди Рама и на министерот за внатрешни работи, Фатмир Џафај.
Демонстрантите, предводни од лидерот на најголемата опозициска сила во Албанија, Демократската партија, Љуљзим Баша. дефилираа по „Булеварот на мачениците“, скандирајќи „Рама оди си“.
Учесниците на протестите носеа транспаренти со антивладини пораки и знамиња на Албанија и ЕУ, а додека минуваа пред Владата и Министерството за внатрешни работи, дел од демонстрантите маваа со камења и други предмети.
Демократската партија соопшти дека при судирите со полицајците е повреден и уредникот на нивниот партиски весник.