(ВИДЕО) ИМААТ ПАСОШ КОЈ НИКОЈ НЕ ГО ПРИЗНАВА: Граѓаните сепак не се изолирани во своите граници
Објавено во: Свет 14 Февруари, 2020
Придњестровска е независна, но непризнаена земја на територијата на Молдавија. Таа се граничи само со Украина, но ниту една членка на ООН не ја признава независноста. Трите земји коишто имаат официјални дипломатски односи со неа се исто така непризнати – Абхазија, Јужна Осетија (двете во Грузија) и Република Нагорно-Карабах (Азербејџан).
Сепак, нивниот пасош е бескорисен затоа што не го признава ниту една членка на ООН. Но, за населението тоа не е проблем, затоа што повеќето од нив имаат двојно или тројно државјанство.
Државата прогласи независност во 1990 година, една година пред распадот на Советскиот Сојуз. Молдавците и Украинците, се скоро подеднакво застапени во однос на бројот, но Русите сепак водат со еден процент (34 проценти).
Главниот град на оваа сиромашна земја, една од најсиромашните во Европа, е Тираспол, со 130.000 жители, а самата република има скоро половина милион жители.