(ВИДЕО) Инцидент се случи во Ерусалим при погребот на познатата палестинска новинарка Ширин Абу Акле
Објавено во: Свет 14 Мај, 2022
Инцидент се случи во Ерусалим. Илјадници луѓе се собрале на улиците на Ерусалим за да присуствуваат на погребот на познатата палестинска новинарка Ширин Абу Акле, која е убиена во средата додека известувала за воената рација во градот Џенин на Западниот брег.
Израелската полиција употребила солзавец и пендреци поради што на кратко луѓето го испуштија ковчегот, пренесува CNN.
Стотици луѓе пред погребот се собрале пред болницата Праведен Јосиф во источниот дел на Ерусалим, каде се наоѓало телото на Абу Акле. Муслиманите имале молитва во петокот, а ожалостените извикувале „пешки, пешки", барајќи ковчегот со новинарката да се пренесе пешки од болницата до Грчката православна црква.Ожалостените го изнеле ковчегот на Абу Акле од болницата, но израелската полиција ги натерала телото да го пренесат со автомобил.
Европската унија ја осуди „прекумерната употреба на сила и непочитувањето на израелската поција кон учесниците на погребната поворка“, изјави високиот претставник за надворешна и безбедносна политика, Жозеп Борел.
Белата куќа порача дека е „крајно вознемирена“ од снимките од погребот на Абу Акле. Вчера американскиот претседател Џо Бајден изјави дека треба да се истражи смртта на новинарката.