(ВИДЕО) Мајка застрела разбојник
Објавено во: Свет 14 Мај, 2018
Четириесетидвегодишна мајка чекајќи го своето дете пред основно училиште во Сао Паоло, Бразил, уби натрапник којшто со пиштол се обидел да ги ограби присутните деца и родители.
Драматичните снимки од безбедносните камери покажуваат како полицајката, која во моментот не била на должност, го застрелала осомничениот три пати откако тој посегнал да го зграби паричникот и телефонот на еден човек.
Осомничениот, именуван како Еливелтон Невес Мореира, бил погоден во градите и нозете и починал од повредите откако бил пренесен во болница, тој при падот испукал неколку куршуми.
Инцидентот се случил во саботата во Сузано, Сао Паоло, за време на настан по повод одбележувањето на Денот на мајката.
Полицајката, подоцна им рекла на колегите: „Не знаев дали ќе пука во децата или во мајките или во чуварот на вратата на училиштето. Само размислував да ги одбранам мајките, децата, мојот живот и животот на мојата ќерка“.
Полициската станица ѝ оддаде почит на Катја со букет цвеќе, а гувернерот на Сао Паоло, Марко Франца, рече дека покажала „умешност, техника и храброст“.
Тој додаде: „Не е идеално што почина осомничениот. Ние би претпочитале тоа да не се случеше. Но тоа е предупредување до оние што земаат пиштол дека би можело да бидат убиени, бидејќи нашите професионалци за безбедност се добро обучени за заштита на јавноста“, додаде гувернерот.