(ВИДЕО) Најпознатиот босански ММА борец му отчита лекција на насилник кој тепал девојка пред неговиот клуб
Објавено во: Балкан 04 Јануари, 2019
Пред еден познат сараевски клуб надзорните камери забележале инцидент кога маж ја тепал девојката се додека не се појавил сопственикот на клубот и познатиот ММА борец Денис Стојниќ.
Имено, во неделата, во раните утрински часови се гледа како спомнатиот клуб го напушта девојка и брзо се движи кон главниот пат. По неа истрчал маж кој веднаш ја повлекол за коса и почнал да ја удира зад паркираниот автомобил.
За да спречи евидентно насилство до клубот брзо излегол Денис Стојниќ. Со брзата реакција го одделил мажот од девојката и со неколку удари го совладал.
Недолго потоа од тој објект излегле и други лица кои ги раздвоиле Стојниќ и спомнатиот маж.
Стојниќ порачал дека не можел да гледа насилство над девојката а посебно не во свој објект.
-Кога видов на камерите дека огромен маж дури и пропорциски физички поголем од мене, и удира на жена песница во глава, јас веднаш истрчав и така реагирав за да ја заштитам девојката од насилникот. Го совладав и на крај девојката заедно со своето обезбедување ја испративме до такси , а таа не сакаше случајот да го пријави во полиција. За жал, во нашата земја се повеќе е застапено насилството над жените, а мојата должност како човек, граѓанин, па потоа како сопственик на објектот е сите во мојот локал да се чувствуваат сигурно, а посебно жените-рекол Стојниќ.