(ВИДЕО) НАПАДИ ВО ЗАПАДНА УКРАИНА: Русите ја оштетија железничката пруга во Лавов
Објавено во: Свет 17 Мај, 2022
Руските сили ја уништија железничката пруга во украинскиот град Лавов.
Тимот на агенцијата Асошиејтед прес забележал силен блесок од експлозии што го осветлиле небото западно од градот нешто по полноќ. Очевидците изброиле најмалку осум експлозии. Во градот е на сила полициски час од 23 до 6 часот наутро.
Претседателот на регионалната воена управа на Лавов, Максим Козицкиј, изјави дека Русите ја гаѓаат воената инфраструктура во областа Јаворив. Градот Јаворив се наоѓа на околу 15 километри од полската граница. Нема информации за загинати. Лавов неколку пати досега беше на мета на руските сили откако почна војната. Русите и Украинците војуваат повеќе од 80 дена.фото Принтскрин