(ВИДЕО) НЕ СЕ ГЛЕДА ОД СМОГ: Во Њу Делхи луѓето ќе работат од дома, а се воведува и пар - непар
Објавено во: Свет 04 Ноември, 2019
Властите во Њу Делхи го ограничуваат сообраќајот за приватните автомобили, а воведен е и систем пар-непар.
Скоро 1,2 регистрирани возила ќе бидат надвор од сообраќај поради воведените двонеделни ограничувања.
Прекршителите ќе бидат казнети со 4.000 рупии (44 фунти; 56 долари), што е двојно повеќе од претходните години. Ќе бидат дозволени само возила за итни случаи и такси. Жените што возат сами, ќе бидат ослободени од правилото. Стотици тимови од полицијата, одделот за транспорт и цивилни волонтери се распоредени за спроведување на правилото. Веројатно ќе предизвика дополнителен притисок врз системот на јавен превоз. Но, официјалните лица велат дека се подготвени, затоа што дополнителни автобуси и метро возови ќе бидат распоредени во овој период.Неколку недели воздухот во Њу Делхи е екстремно загаден.
Летовите на меѓународниот аеродром во близина на Њу Делхи синоќа се откажани затоа што поради густиот смог, пилотите не можеле да ја видат пистата.
37 летови, вклучувајќи еден меѓународен, беа пренасочени од градскиот меѓународен аеродром Индира Ганди.
Во градот е прогласена водредна состојба, запрена е работата на градилиштата, воспоставен е нов сообраќаен режим, училиштата се затворени, а луѓето што можат да работат од дома не одат на работа.
На листата на air visual денеска Њу Делхи е втор најзагаден град, додека кинескиот град Шенјанг е прв.