(ВИДЕО) Нема знаци на живи луѓе по ерупцијата на вулканот на Нов Зеланд: Полицијата праќа дронови
Објавено во: Свет 09 Декември, 2019
Извиднички летови над Белиот остров на Нов Зеланд каде претходно денес се случи ерупција на вулкан, не откриле преживеани, соопштила полицијата.
Се верува дека околу 50 луѓе биле на островот. Познато е дека петмина загинале а дека 23 лица се спасени, пренесе БиБиСи.
Локалните медиуми пренесуваат дека е можно на островот да се наоѓаат уште околу 27 луѓе.
Полицијата денес соопштила дека веруваат оти сите кои би можеле да бидат живи се евакуирани после ерупцијата. Новозеландски брод ќе испрати посебни дронови кои ќе бараат знаци на животи на островот потврдила полицијата.
Туристи се видени како чекорат внатре во кратерот на вулканот на Белиот остров, неколку минути пред да се случи ерупцијата.
„Врз основа на информациите кои ги имаме , не веруваме дека на островот има преживеани-стои во последниот полициски извештај.
-Полицијата работи на тоа да го потврди точниот број на луѓе кои загинале на островот, покрај веќе познатите пет жртви-стои во соопштението.
Постојат извештаи дека имало околу 24 Австралијци на островот за време на катастрофата.
Белиот остров е познат како најактивниот вулкан во земјата. И покрај тоа што островот е во приватна сопственост, тој е популарна туристичка дестинација, со чести посетувања и живописни летови.
Спасувачите не можат да стигнат до островот заради ризик од нови ерупции. Моментно во таа област сега е ноќ.
Фото/Принтскрин: AP/GEORGE NOVAK/NEW ZEALAND HERALD
Можеби ќе ве интересира
ЖИВЕЕ РАСКОШНО: Koj е Тимур Иванов кој е уапсен во Русија?
ПРЕДУПРЕДУВАЊЕ ОД МАКРОН: Постои ризик нашата Европа да умре
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
Нема пасоши за Украинци кои бегаат во странство, се зголеми бројот на граничари
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
КОЈ НАРОД Е НАЈМАЛКУ ЗАДОВОЛЕН ОД ЖИВОТОТ ВО ЕУ? Ќе се изненадите каде се Германците
БАЈДЕН ПОТПИША ПОТЕНЦИЈАЛНА ЗАБРАНА ЗА ТИКТОК - еве што ќе се случува понатаму
УКРАИНА ДОБИВА ОРУЖЈЕ ДО КРАЈ НА ДЕНОТ! Бајден го потпиша законот, пристигнува рекордна помош за 3 држави!
