(ВИДЕО) Николовски: Нема преговори со ЕУ и следната година
Објавено во: Македонија 14 Септември, 2018
„Без разлика каков ќе биде расплетот околу договор за името, дури и ако резултатите од референдумот бидат онака како што власта посакува јас тврдам дека Македонија идната година нема да ги почне преговорите со ЕУ ако продолжат со криминалната и погубна политика“, изјави Александар Николовски.
Потпретседателот на ВМРО ДПМНЕ во интервју за Фактор магазин рече дека партијата одлучила да остави граѓаните сами да решат дали ќе гласат на референдум.
„Го разбирам ставот на меѓународните партнери кои ја охрабруваат Владата и ја фалат за постигнатиот компромис, ,меѓутоа ние не сакаме да ги лажеме граѓаните и чесно е да им кажеме дека договорот е погубен за Македонија“, рече Николовски.
Потпретседателот на ВМРО ДПМНЕ се уште не донел одлука дали ќе гласа, додавајќи дека ќе се залага Македонците да не исчезнат затоа што токму ваквиот договор е вовед во изчезнување на националниот идентитет, рече Николовски.