(ВИДЕО) Новиот министер за животна средина не зборува ниту македонски, ниту албански
Објавено во: Македонија 22 Јули, 2019
Новиот министер за животна средина Насер Нуредини, кој дојде на местото на Садула Дураку, за прв пат ги даде своите први изјави во јавноста откако го превзеде овој ресор, но во интервјуто за „Алсат“ се потврди дека не го познава ниту албанскиот, ниту македонскиот јазик и на новинарските прашања одговараше на англиски јазик.
Насер е банкар од Виена и е син на познатиот австриски бизнисмен Аки Нуредини, како и зет на академикот Абдулменаф Беџети. Неговиот татко е и сопственик на познатиот ресторан „Соле“ во Виена и потекнува од тетовското село Камењане.
Нуредини во интервјуто за телевизијата вели дека интензивно работи на откривање на главните загадувачи на воздухот и дека владата ја истражува можноста за финансирање на нови начини за затоплување на домаќинствата, како и на институциите. Како приоритет број еден, рече дека се потребни и решенија за проблемот со нелегалниот отпад и депониите.