(ВИДЕО) ПРВ ПАТ ВО ЈАВНОСТА, ПРИКАЗНА КОЈА СВЕТОТ САКА ДА ЈА ЧУЕ: Момчињата од Тајланд откриваат детали од пештерата
Објавено во: Свет 18 Јули, 2018
Дванаесетте тајландски момчиња и нивниот фудбалски тренер, кои минатата недела се спасени од поплавената пештера, денеска прв пат се појавуваат во јавноста на конференцијата за новинари во Чијанг Раи која ќе биде пренесувана од национална телевизија.
Групата на конференцијата за новинари одговара на прашања за своите искушенија.
После тоа ќе се вратат во своите куќи и семејства, велат претставници.
„Причините за одржување на оваа конференција за новинари се прашањата кои би можеле да им ги постават новинарите , а после тоа може да се вратат да го продолжат нивниот нормален живот без медиуми кои ќе ги вознемируваат“, рекол портпаролот на шефот на владата на Тајланд.
Тој додал дека тоа ќе биде нивно „единствено официјално интервју“; кажувајќи дека „после овој , нема да има други разговори со новинарите“.
Тие ги замолиле медиумите и јавноста да ја почитуваат приватноста на момчињата откако се спасени, бидејќи, како што наведуваат, изненадно медиумско внимание може да се одрази на менталното здравје на дечињата.
„Не знаеме какви рани носат тие деца во срцата“, рекол денес пред новинарите претставник на тајландското Министерство за правда.
Некои тајландски телевизиски личности се пошегувале дека момчињата ќе им помогнат во зголемување на рејтингот со телевизиска емисија во рамки на кои ќе биде емитувана нивната конференција за новинари, а која го носи името „Тајланд оди напред“ и обично е резервирана за монотони разговори за успехот на воената влада.
„Ова е приказна која сите Тајанѓани сакаат да ја слушнат. Не исклучувајте го телевизорот, не намалувајте го тонот“, се пошегувал водителот на телевизијата VOICE која често ја критикува воената влада на таа земја.
Прашањата кои ги поставиле новинарите се прегледани од психијатри за да се осигураат дека нема да бидат вознемирувачки за децата.
BBC/ Tanjug
Foto: AP, EPA, Printscreen/ Youtube