(ВИДЕО) Саша Богдановиќ: Центар работи од дома, седи дома и спаси живот
Објавено во: Македонија 09 Април, 2020
Општина Центар објави видео насловено како „Центар работи од дома. Седи дома спаси живот“, на кое се прикажува како градоначалникот Саша Богдановиќ и останатите раководители ги извршуваат задачите од дома со цел истовремено да се запазат препораките и да се исполнат секојдневните активности.
- Со колегите се имаме организирано најголем дел од работите да ги вршат од дома за непречено да се одвива нашата работа и да се спроведуваат сите наши зацртани активности, но и да ги почитуваме препораките. Затоа, најголем дел од колегите своите работни задачи ги извршуваат од дома, се со цел општината да продолжи да работи во вакви вонредни услови, вели Богдановиќ.
Градоначалникот информира дека секторот за јавни дејности продолжува со онлајн наставата. Секторот за комунални дејности, освен редовното чистење, ќе воведе дополнителна дезинфекција на сите улици, паркови, скверови и урбана опрема.