(ВИДЕО) СЕ „ЗАПАЛИ“ ВЕНЕЦУЕЛА: Загинаа најмалку 12 луѓе
Објавено во: Свет 24 Јануари, 2019
Има и жртви во немирите во Венецуела.
Најмалку 12 лица загинаа во бранот антивладини протести во земјата, информираше денеска невладината организација Венецуелска опсерваторија за општествени судири.
Координаторот на Опсерваторијата, Марк Понсе ги објави и имињата на загинатите.
Стотици илјади граѓани на Венецуела излегоа на протести против претседателот Николас Мадуро.
Трета ноќ по ред стигнуваат извештаи за кражби во сиромашните населби во Каракас и за судири меѓу демонстрантите и припадниците на безбедносните сили.
Амнести интернешнал го повика венецуелскиот претседател Николас Мадуро да ги почитува правата на демонстрантите и неодложно да ги казни припадниците од војската и полицијата кои се вмешани во репресија.
Протестите се одржуваат на иницијатива на опозицијата, која тврди дека актуелниот шеф на државата нелегално ја узурпирал функцијата на 10 јануари, откако по вторпат е избран за претседател на избори бојкотирани од опозициските партии.
Опозицискиот лидер и претседател на Парламентот на Венецуела, Хуан Гуаидо вчера се прогласи за привремен претседател на државата.
Војската на Венецуела одби да го признае Гуаидо за привремен претседател.
Сепак тој е признат од САД, Канада, Бразил, Аргентина, Колумбија, Парагвај, Чиле, Перу, Гватемала и Костарика.
Венецуела е во нова фаза на несигурност по вчерашните демонстрации во кои се бара заминување на претседателот Мадуро.
Русија, Кина, Турција, Иран и Сирија го поддржаа претседателот на Венецуела, Николас Мадуро.