(ВИДЕО) СИЛЕН ЗЕМЈОТРЕС НА ФИЛИПИНИТЕ: Загина дете откако врз него се урнал ѕид
Објавено во: Свет 15 Декември, 2019
Едно девојче загина во земјотресот на Филипините.
Шестгодишното девојче загинало откако врз него се урнал ѕид во текот на силниот земјотрес што денеска ги погоди Филипини. Информацијата ја соопшти градоначалникот на градот Матанао, град на југот од земјата.
При потресот се урнала една трикатна зграда во градот, а луѓето во паника истрачувале од продавнци, куќи и други објекти, соопштија локалните власти
Во урнатата зграда се наоѓале една продавница и спасувачите проверуваат дали во неа има жртви или заробени лица под урнатините.
Филипинскиот Институт за вулканологија и сеизмологија соопшти дека потресот со јачина од 6,9 степени го погодил подрачјето на околу шест километри северозападно од градот Падада, на длабочина од 30 километри, во провинцијата Давао дел Сур.
Некои градови останаа без електрична енергија, а локалните власти во градовите Даваоу и Котабату, во кои земјотресот силно се почуствувал, одлучиле утре децата да не одат на училиште, додека надлежните служби не ја проверат стабилноста на школските згради.
Регионот Давао во последните месеци го погодија неколку земјотреси во кои имаше загинати и повредени, а уништени се домови, хотели, трговски центри и болници.
Во нашиот регион денеска повеќе потреси имаше во Албанија.