(ВИДЕО) Силен земјотрес повреди над 300 луѓе
Објавено во: Свет 18 Јуни, 2018
Тројца загинаа, а 307 луѓе се повредени во земјотресот со јачина од 6.1 степен според Рихтеровата скала, кој денеска ја погоди Осака и другите делови во западниот дел на Јапонија.
Загинале деветгодишно девојче, кога се срушил подот околу базенот и две жени од 80 и 85 години, кога ѕид, односно полица со книги паднала врз нив.
Земјотресот се случил околу 8 часот по локално време, а предизвикал прекин на струја, вода и гас во таа област и го нарушил сообраќајот.
Потресот бил на длабочина од 13 километри на северот на Осака, а како што Агенцијата соопштила не предизвикал цунами и не се забележани абнормалности во нуклеарните постројки кои тука се наоѓаат.Забележани се и помали пожари во Осака и префектурата Хјого, Кјото и Мие.
Агенцијата наведува дека при земјотрес со таква јачина, тешко е да се остане смирен, а мебелот кој не е добро прицврстен може да се помести.
Ова е најсилниот земјотрес кој го погодил овој дел на Јапонија од 1923 година.