(ВИДЕО) СНЕГ И СТУД ВО БРАЗИЛ: Луѓето се маваа со топки и правеа снешко
Објавено во: Свет 29 Јули, 2021
Додека Сибир и Канада „горат“, снежнo невреме и рекордно ниски температури има во Бразил.
Историски најстуден бран го зафати Бразил. Снег има во најмалку 13 градови во државата Рио Гранде до Сул, на крајниот југ. Температури под минус седум степени Целзиусови се регистрирани во 30 области во државата Санта Катарина. Метеоролозите прогнозираат температури до минус 10 степени Целзиусови.
Студот ќе влијае на посевите на кафе затоа што студениот бран го погоди „средните појаси за кафе“ во Бразил. Луѓето уживаа на снегот. Се маваа со топки и правеа снешковци.
Неколку европски земји се бореа со поплави. Пожари има во Турција. Во меѓувреме, најмалку три лица загинаа, а повеќе десетици се во болници поради последиците од шумскиот пожар кој ветерот го донесе до зградите на летувалиштето Манавгат кај Анталија, на југот на Турција.