(ВИДЕО) Србинот кој ги спасуваше децата во Тајланд раскажа што се случило
Објавено во: Свет 10 Јули, 2018
Eден од спасувачите од меѓународниот тим нуркачи, Иван Караџиќ, за Би-Би-Си раскажа зошто им се восхитува на момчињата кои заглавија во пештерата во Тајланд.
Вели дека тоа се многу силни деца штом две недели издржале во пештерата без да ги видат своите родители.
„Тие деца беа присилени да направат нешто што никогаш во историјата ниедно дете не требало да го направи. Никако не е нормално деца од 11 години да нуркаат во пештера. Нуркаат во нешто што се смета за екстремно опасни услови, нема апсолутно никаква видливост, единствената светлина е таа од нашите лампи. Поради тоа бевме многу уплашени поради паниката која може да избие. Покрај тоа, постои повеќекратна опасност од дефект на опремата што ја носиме. Поради тоа имавме резервен план: што ако престане да работи овој дел од опремата? Тогаш ќе го направиме ова. Што ако ни откаже друг дел од опремата? Ќе го замениме со резервен. И така понатаму. Сѐ уште не можам целосно да сфатам колку се тие деца всушност кул“- раскажа Караџиќ.
За тоа како реагирал кога го видел првото дете во пештерата, Караџиќ кажа дека бил многу исплашен и не знаел дали е живо детето. Но, откако видел дека детето е живо вели дека се чувствувал добро.