(ВИДЕО) Тлото во Албанија не престана да се тресе: Епицентарот на земјотресот во Јадранското море

Добивај вести на Viber

Тлото на Албанија не престана да се тресе. Во трите земјотеси кои вчера ја погодија земјата има повредени десетици граѓани. Оштетени се згради и други објекти, а некои а во некои делови од земјата немаше ниту струја по земјотресот.

Седум минути по полноќ, уште еден, четврт по ред земјотрес ја погоди Албанија.

Земјотресот бил со епицентар на 30 километри од Тирана и со магнитуда од 4.9 степени по Рихтер, на длабочина од 2 километри.

Епицентарот на земјотресот бил во Јадранското море, меѓу градовите Драч и Синѓин.

Поради земјотресот и ситуацијата во која се наоѓа земјата и премиерот на Албанија, Еди Рама го откажа патувањето за Њујорк во ООН и вчера се врати од Франкфурт поради создадената ситуација по силниот земјотрес што ја погоди вчера попладнето Албанија.

Според локалните медиуми, голем број на граѓани во Драч изјавиле дека ќе спијат под отворено небо, бидејќи се плашат од нов земјотрес. Локалните медиуми, исто така информираат дека во Драч и Тирана има оштетени куќи. А неколку домаѓинства останале и без електрична енергија.

Ова е најсилниот земјотрес во последните 30 години во Албанија, а се почувствува и во Македонија.