(ВИДЕО) ТОКСИЧНО ДОБРЕДОЈДЕ ЗА МЕРКЕЛ ВО ИНДИЈА: Свечено дочекана и покрај загадениот воздух
Објавено во: Свет 01 Ноември, 2019
Германската канцеларка Ангела Меркел доби токсичен пречек во Индија, откако премиерот Нарендра Моди ја дочека на воената парада во исклучително загадениот воздух во Њу Делхи.
Претседателот на Индија и неговата германска гостинка го игнорирале предупредувањето од здравствените експерти дека за време на престој надвор треба да се носи заштитна маска заради енормното загадување на воздухот во Њу Делхи.
Според податоците на Светската здравствена организација, објавени на нивната веб-страница од страна на американската амбасада во Индија, присуството на особено опасни честички во воздухот над Делхи е дури 19 пати поголемо од она што се смета за опасна горна граница.
Но и покрај тоа, Моди и Меркел прошетале покрај почесната гарда пред претседателската палата, дишејќи токсичен воздух во Њу Делхи.
Меркел во нејзината четврта посета му се заблагодари на Моди за пријатниот и срдечен пречек. Главниот министер на Делхи, Арвинд Кејривал, во петокот рече дека властите ќе започнат со распределување на пет милиони маски на учениците за заштита од загадување.
Фото: профимедиа