(ВИДЕО) Туристите ќе ја посетуваат резиденцијата на Тито - колку ќе чини возењето со неговиот кадилак?
Објавено во: Балкан 21 Август, 2018
Хрватското островче Ванга, каде имало било резиденцијата на поранешниот југословенски претседател, Јосип Броз Тито наскоро ќе биде отворено за туристи.
Туристите наскоро ќе можат да видат дел од природниот рај што Тито го открил во 1952 година, кога со сандолина поминувал покрај Ванга. Во времето на Тито островот беше чуван од армијата и никој не смееше да му се приближи.
Самата резиденција на Ванга во подрумот има винарска визба со архивски вина што никаде не може да се купат.
Сè е подготвено за првите посетители да дојдат на Ванга, островот во склоп на Бриони, кое со години е затворено за јавноста, а во подготовка се две ВИП-тури по Бриони, кои ќе им овозможат на туристите да ги видат и сите објекти што ги користел Тито.
Се чека само одлуката на Владата за тоа под кои услови туристите ќе можат да доаѓаат на разгледување на резиденциите што отсекогаш беа под строги безбедносни мерки.
На Ванга времето како да застанало, сè е како во ерата на Тито, се чува сиот инвентар што се користел кога Јосип Броз таму поминувал по речиси шест месеци во годината и каде што примал високи гости од целиот свет.
Туристите, ќе можат да се возат со Титовиот кадилак, за кој половина час возење чини 700 евра.