(ВИДЕО) Украинците тврдат дека само за една ноќ уништиле 10 руски тенкови
Објавено во: Свет 18 Март, 2023
Украинските безбедносни служби објавија видео од уништување на 10 руски тенкови и уште едно возило и тврдат дека тоа го направиле за една ноќ.
„Нашите специјални сили од Центарот за специјални операции „А“ уништија непријателска опрема во правец на Доњецк. Запален е и еден непријател БТР. Со тој чин во една ноќ се уништени единаесет мети“, се вели во соопштението.
Сепак, Олександр Сирски, командант на копнената армија на Украина и командант на Источната група на вооружените сили на Украина, изјави дека Русија го напаѓа скоро целиот источен фронт. Жестоки борби се водат околу градот Бахмут.
Руската платеничка група Вагнер планира да регрутира 30.000 нови борци до средината на мај. Сите кои во Русија ќе шират лажни вести за платениците ги чека затворска казна до 5 години. Претседателот на Украина Володимир Зеленски денеска воведе лични санкции против сирискиот претседател Башар Ал Асад, пренесува РИА Новости.
Рускиот претседател Владимир Путин денеска беше во посета на Крим.