(ВИДЕО) УРНАТИ МОСТОВИ, ЗАФАТЕНИ КУЌИ: По Србија, поплави и во БиХ
Објавено во: Балкан 23 Јуни, 2020
По Србија, поплави има и во Босна и Херцеговина каде се излејаа реки и се активираа свлечишта.
Повеќе од 100 семејни куќи и други објекти се поплавени, по што е прогласена состојба на природна непогода во шест општини во североисточна Босна и Херцеговина.
Најлоша е состојбата во округот Тузла поради дождот што паѓа неколку дена.
Главниот пат што ја поврзува Тузла со Сараево беше прекинат. Како што објави босанската радио-телевизија, мештаните во текот на ноќта поставиле вреќи со песок во критичните области.
Најкритична е ситуацијата кај рудникот за јаглен Ѓурѓевик. Поплавени се 150 куќи, а шест семејства се евакуирани.
Надојдената река Гостеља на подрачјето на општина Живинице вчера уништи монтажна куќа, потврди директорот на Канцеларијата за цивилна заштита на округот Тузла, Зоран Јовановиќ.
Поројот го однесе стариот мост на реката Јања кај Бијелина.
Денеска врнежите ќе се намалат.
Вчера имаше поплави во Србија каде беше прогласена вонредна состојба во четири општини.