(ВИДЕО) ВАКВО НЕШТО ДОСЕГА НЕМАЛО: Сите кои ќе возат по мостот ќе им треба специјална возачка
Објавено во: Свет 22 Октомври, 2018
Мостот кој е долг цели 55 км и кој чини 20 милијарди долари, конечно ќе биде отворен неделава.
Со тоа ќе биде најдолгиот мост преку море на светот.
Тој почна да се гради пред скоро една деценија. Мостот требаше да започне да функционира во 2016 година, но поради непланирани градежни дејствија отворањето е одложено.
Мостот ќе поврзува 11 градови во кои вкупно живеат 68 милиони луѓе. Од Хонгконг до Макао ќе се патува за само 3,5 часа.
Се појавија луѓе кои ја критикуваа изградбата на мостот, затоа што тој ќе поттикне зголемување на бројот на туристи во Хонгконг, град кој и онака има големи проблеми да се избори со огромниот број на посетители, а годишно Хонгконг го посетуваат и до 57 милиони туристи.
Според најавите, овој регион треба да и’ парира на Силиконската долина.
„Мостот не е само мегасообраќајна инфраструктура заеднички изградена од Гвангдонг, Хонг Конг и Макао. На овој начин ќе се засили и нивната соработка на полето на размена, финансии, логистика и туризам“, рече во петокот министерот за транспорт на Хонг Конг, Френк Чан Фан.
Сепак, приватните возила ќе можат да го користат откако ќе аплицираат за специјална дозвола. Премостувањето главно ќе биде дозволено за посебни автобуски линии вон градскиот транспорт и за товарни возила.
Оваа иницијава наиде на критики во Хонг Конг, чии жители сметаат дека е „слаба употреба на даночните обврзници“. Се појавија и обвинувања дека контрукцијата е опасна за намалување на бројот на кинеските бели делфини.
Градежниците тврдат дека е отпорен на ветрови до 340 километри на час, а контрукцијата содржи тунел под морето од девет километри.На свеченоста во Жухају ќе присуствува и кинескиот претседател Си Џинпинг, заедно со највисоките функционери на Хонгконг и Макао, а во среда ќе биде отворен и за сообраќај.