(ВИДЕО) Вучиќ: Да се гази и руши Србија е добро
Објавено во: Балкан 14 Декември, 2018
Српскиот претседател, Александар Вучиќ вечерва во обраќањето до јавноста констатираше дека денеска по долгогодишни закани официјално е формирана таканаречената војска на Косово.
Да се гази и руши Србија е добро, вели тој.
Вучиќ како косовски спонзори ги означи САД, Британија и Германија.
Вели дека сѐ што направија Албанците направија спротивно на нормите на јавното право и на сопствениот највисок правен акт Уставот и покажаа, како и нивните заштитници и спонзори, дека не им е до почитувањето на правото и правдата туку сакаат спроведување на сирова сила, напади врз Србите и нескриен напад врз Србија.
Вучиќ вели дека е создадена атмосфера дека е добро да се гази и руши Србија, како и дека ѝ се префрла за тоа што со мирна и демократска политика се трудела да ги заштити своите државни и национални интереси.
„Велат дека тоа не е во духот на дијалогот и дека не треба да се прави, а заборавија да кажат дека додека го водевме дијалогот дури 19 земји ја признаа независноста на Косово, а потоа им пречи кога 12 земји ќе го повлечат признавањето“, изјави Вучиќ.
На Приштина, како што кажа, ни ден денес не ѝ паѓа на памет да изврши формирање на Заденицата на српски општини.
Американски знамиња се закачени на јужната страна на Митровица, каде што живее претежно албанско население, додека Косово гласаше за создавање сопствена армија. Како одговор на тоа, зградите на северната страна беа обвиени во српски знамиња. Во Приштина се слави поради формирање на косовска армија.