(ВИДЕО) ЗАТВОРЕНИ УЧИЛИШТА: Прогласена е криза во најзагадениот град на светот
Објавено во: Свет 01 Ноември, 2019
Прогласена е криза во индискиот главен град, Њу Делхи.
Властите решија да ги затворат училиштата и градилиштата до вторник, а употребата на пиротехнички средства е забранета цела зима.
Со палење, земјоделците ги чистат оризовите полиња за да ги подготват за ново сеење. На сателитските снимки на НАСА деновиве можеа да се забележат илјадници активни пожари во сојузната држава Пунџаб.
Пред сезоната на загадувањето градските власти забранија користење на дизел генератори, а од 4 до 15 ноември воведоа возење пар-непар. Локалната влада минатиот месец најави дека на учениците ќе им подели 5 милиони заштитни маски.
Пред две години поради загаденоста на воздухот во Индија предвреме починале 1,2 милиони луѓе, покажува студијата објавена во научниот магазин Лансет.
Њу Делхи има 20 милиони жители. Во посета на овој град денеска беше и германската канцеларка Ангела Меркел. премиерот Нарендра Моди ја дочека на воената парада во исклучително загадениот воздух во Њу Делхи. Денеска пред овој град на листата на air visual e само Лахоре во Пакистан. Трет е Краков во Полска.