(ВИДЕО) „Жолтите елеци“ претепаа новинар, тој заврши во болница
Објавено во: Свет 13 Јануари, 2019
Демонстранти во внатрешноста на Франција тепаа новинар.
На протестите на движењето „Жолтите елеци“ во Франција за прв пат е претепан новинар. Во градот Руен е нападнат новинар на локална телевизија. На снимката што се појави денеска на социјалните мрежи се гледа како група демонстранти го претепуваат новинарот од телевизијата ЛЦИ.
Тој паѓа на тротоарот, а демонстрантите го клоцаат со нозете.
Во деветтата сабота од протестите на „Жолти елеци“ учествуваа 84.000 луѓе ширум земјата, од кои 8.000 во Париз, додека 244 лица се приведени. Ова го соопшти француското Министерство за внатрешни работи.
Луѓето кои се уапсени биле насилни или носеле со себе забрането оружје.
Во првите недели од протестите, на крајот на ноември и почетокот на декември, на протестите учествуваа 288.000 лица, пренесуваат француските медиуми.
Помеѓу полицијата и демонстрантите дојде до судир на неколку локации, пришто безбедносните сили употребија солзавец за да поттиснат дел од демонстрантите кои врз нив фрлале камења и други предмети, пренесе „АП“.
Властите распоредија 80.000 припадници на безбедносните сили ширум земјата поради денешните антивладини протести.
Протести имаше и во текот на 2018 година.