Вијаграта значително го намалува ризикот од канцерогени заболувања

Добивај вести на Viber

Научниците откриле нова употреба на лекот за еректична дисфункција – Вијаграта.

Според една нова студија, Вијаграта може значително да го намали ризикот за развивање на колоректален канцер. Истражувачи од универзитетот Августа тоа го забележале кога малечка доза им била додавана во водата на лабораториски глувци, чиј број на тумори се намалил за 50%.

Сега засега резултатите биле откриени само кај глувците, но следен чекор на истражувачкиот тим ќе биде да добие одобрување за тестови врз луѓе кај кои ризикот за развивање на колоректален канцер е голем – како оние чија фамилијарна историја имала полно случаи на ова заболување.

Колоректалниот канцер е третиот најзастапен канцер во светот и е дијагностициран повеќе од милион пати годишно, а кај 50 000 од заболените резултира со смрт.

Кај глувците било забележана редукција на полипите – абнормалното групирање на клетките на внатрешната постава на цревата – кои имаат тенденција да се претворат во тумори. Она што е исто така ветувачки е недостатокот на негативни несакани ефекти на лекот, особено кога е во мали дози.

Вијаграта се покажала ефективна за помагање на животните бидејќи исто така ја подобрува продукцијата на хемикалијата наречена цикличен GMP, која го промовира здравјето на поставата на цревата.