ВИКЕНД БРИФ: Џинот „Макпетрол“ се разбуди, Кои брат и сестра ќе делат безмалку 400.000 евра од дивиденда?

Добивај вести на Viber

Вложувањата во акцијата на „Макпетрол“ добија реална основа. Компанијата има извонреден раст на приходот од продажба и речиси тројно повисока добивка од 2017 година.

„Макпетрол“ ги израдува своите акционери! Најголемата компанија за малопродажба на нафтени деривати лани оствари вкупна сеопфатна добивка од 14 милиони евра што е три пати поголема од профитот остварен во 2017 година. Нето добивката на компанијата лани е 12,6 милиони евра и е два и пол пати поголема од добивката остварена во 2017 година. Секоја акција на „Макпетрол“ носи добивка од 125 евра. Сега веќе на реална основа се зголемуваат апетитите на акционерите за поголема добивка од тоа што беше распределено лани како добивка од работењето во 2017 година.

Банкарите рушат рекорди со заработките: Еве колку инкасираа од камати, а колку од провизии

Фактор го анализира билансот на успех за сите банки, а анализата покажува дека банките лани срушија нов рекорд по остварената добивка. Имено за цела година банките во земјава имаат добивка по оданочување од 135,8 милиони евра. Ова добивка е за дури над 27 проценти повисока од остварената во 2017 година кога банките прикажаа позитивен финансиски резултат од 106,5 милиони евра.

Брат и сестра ќе делат безмалку 400.000 евра од дивиденда, кои се тие?

По предлогот за исплата на дивиденда во „Реплек“ која изнесува 3.998 денари нето по акција братот и сестрата Туџарови ќе добијат околу 400.000 евра дивиденда за нивните 23 отсто акции во оваа реномираната македонска компанија што се занимава со трговија со фармацевтски производи и медицинска опрема

„Реплек“ ќе исплати 2 милиони евра дивиденда (со вклучен персонален данок) на своите акционери, пишува во предлог одлуката што ќе ја гласаат акционерите на претстојното акционерско собрание на таа компанија закажано за 8 април годинава.

Кој бизнисмен пријави бруто годишна плата од 1,12 милиони евра?

Фатмир Етеми, управител на градежната фирма „ЗФС КОМ“ ДООЕЛ лани остварил бруто лични примања од работа во износ од 1,12 милиони евра, податоците се достапни во годишниот извештај на „Комерцијална банка“, чиј член на Надзорен одбор е Етеми

Фатмир Етеми, управител на градежната компанија „ЗФС КОМ“ ДООЕЛ лани остварил бруто приход од материјалните надоместоци и други права од договори за работа во износ од 1,12 милиони евра, ова се официјални податоци јавно достапни во годишниот извештај на „Комерцијална банка“ објавени на веб страницата на Македонската берза за хартии од вредност.