21 Октомври, 2019
0.0193

ВИКЕНД БРИФ: Нов закон за Јавно обвинителство - Праските се откупуваат непречено

Објавено во: Македонија 20 Јули, 2019

*Помлад обвинител може да седне во фотелјата на новото СЈО

Според новиот предлог закон за јавното обвинителство за гонење на организиран криминал  и висока корупција за шеф на оваа обвинителство ќе може да конкурираат и помлади обвинители.

Министерството за правда го објави предлог законот и деталите за новиот закон, во него пишува дека за јавен обвинител на новото Јавно обвинителство може да биде избрано лице кое има непрекинат работен стаж од најмалку 6 години како јавен обвинител до моментот на пријавување за именување и кој е оценет со позитивна оценка во последните три години. Исто така во предлог законот пишува и дека изборот на овој обвинител ќе го врши Советот на јавните обвинители.

* ДИМКОВСКИ: Досега се извезени околу две илјади тони праски кон Русија

Оној кој има добар квалитет нема никаков проблем со праската, истакна министерот за земјоделство, шумарство и водостопанство, Трајан Димковски.

Според него, откупот на праски тече без никакви проблеми, надминати биле сите проблеми со Русија, па годинава, министерот очекува извозот кон таа држава да биде успешен. Последните податоци покажуваат дека досега извезени се 1.500 до 2.000 тони праска кон Русија.

* Власта и опозицијата во Косово со поддршка за Харадинај

Претседателот на косовскиот парламент, Кадри Весели, рече дека жали што добил вести за оставката на Рамуш Харадинај и сведочењето што косовскиот премиер го примил во својство на осомничен пред Специјалниот суд за Косово. Сличен став даде и претседателот на Демократскиот сојуз на Косово, Иса Мустафа.

Весели, кој е и претседател на владејачката Демократска партија на Косово, пишува на Фејсбук дека од медиумите дознал за повикот на Специјалниот суд како и за оставката на Рамуш Харадинај.

* ОД СТОЈАКОВО ДО КИНА: Двајца Македонци нашето знаме го развиорија на Кинескиот ѕид

Двајца Македонци од селото Стојаково, Ѓорѓи Николов и Џоко Шуклев  се одлучија за еден необичен и несекојдневен потег. 

Тие тргнаа на пат за Кина и нивна крајна цел беше македонското знаме да го развиорат на кинескиот ѕид. Во тоа успејаа вчера.  Со 40 годишно „рено 4“ на пат се 20 дена, а сега ги чека патот за назад. Поминаа низ Србија, Романија, Украина, Русија, Монголија и Кина. Попат имале позитивни и негативни искуства, многу згоди и незгоди, за што своите фанови ги информираа на социјалните мрежи. 


* ПИВОФЕСТ ПРИЛЕП: Подметната бомба во кафуле

Неколку минути пред полноќ во кафе бар во Прилеп била подметната бомба.

Од Министерството за внатрешни работи по вештачењето на бомбата информираа дека се работи за школска бомба во која немало експлозивно полнење.

Припадници на одделението за антитерористичка заштита ја подигнало бомбата, ја обезбедиле и била испратена на вештачење, соопштија од Јавното обвинителство.

Исто така од МВР, соопштија дека нема повредени лица, ниту е причинета материјална штета.


Можеби ќе ве интересира

УТРИНСКИ ФОКУС: Заев сепак дава оставка, Македонија ја чека турбулентна изборна пролет

УТРИНСКИ ФОКУС: Заев сепак дава оставка, Македонија ја чека турбулентна изборна пролет

Кој ќе слави победа на 12 април

Кој ќе слави победа на 12 април

„Милфици”, „кугарки” и останати етикети

„Милфици”, „кугарки” и останати етикети

КАКВИ ИЗБОРИ НЕ ОЧЕКУВААТ - новинарски прогнози за Фактор

КАКВИ ИЗБОРИ НЕ ОЧЕКУВААТ - новинарски прогнози за Фактор

Агонијата допрва почнува - Партиите си почнаа кампања, се договорија за избори

Агонијата допрва почнува - Партиите си почнаа кампања, се договорија за избори

Овие предвремени избори ќе имаат најниско ниво на излезност

Овие предвремени избори ќе имаат најниско ниво на излезност

Предвремените избори се очекувани, но јавноста очекуваше оставка од Заев

Предвремените избори се очекувани, но јавноста очекуваше оставка од Заев

Опозицијата му остави дополнителен маневарски простор на Заев

Опозицијата му остави дополнителен маневарски простор на Заев

Очекувам кампањата да почне уште утре, и да биде долга и валкана

Очекувам кампањата да почне уште утре, и да биде долга и валкана