Виктор Орбан: Фидес може да се повлече од Европската народна партија

Добивај вести на Viber

Владејачката партија на Унгарија, Фидес, може да се повлече од групата на централно-десничарски партии во Европа, откако беше суспендирана и не учествуваше на неодамнешниот дводневен конгрес на ЕПП во Загрев, најави унгарскиот премиер Виктор Орбан.

Европската народна партија го суспендираше учеството на Фидес, во услови на загриженост во врска со популистичките анти-имиграциони кампањи на Орбан и ерозијата на владеењето на правото, слободата на медиумите и малцинските права за време на мандатот на Орбан. 

ЕПП соопшти дека ќе испрати комитет на „мудри луѓе“ за да ја испитаат ситуацијата во Унгарија и да одлучат дали да ги задржат Фидес по јануари, кога завршува суспензијата на владеачката партија на Орбан.

- Очекуваме ЕПП да зборува отворено за своите ставови и планови, а потоа ќе одлучиме. Прашањето е дали новиот претседател (на ЕПП) може да ја запре оваа промена кон лево. Ако можеме, имаме заедничка иднина. Ако не, треба да изградиме друга политичка заедница, рече Орбан.

Тој мислеше на Доналд Туск, новоименуваниот претседател на ЕПП. токму од неговиоте одлуки и ставови во иднина ќе зависи членството на Фидес во ЕПП.

- Мораме да ставиме точка на тоа. Во политичка битка, вистината и пристојноста не можат да бидат целосно незаштитени од лажни вести, манипулации и омраза. Ние нема да ги жртвуваме вредностите како што се граѓанските слободи, владеењето на правото и достоинството на јавниот живот на олтарот на безбедноста и редот. Секој што не може да го прифати ова, се става себеси де факто надвор од нашето семејство, рече Туск во Загрев.