Викторија Маринова од Русе- новинарка убиена поради истрага, или ... од бес?
Објавено во: Балкан 08 Октомври, 2018
Продолжува истрагата за сурово убиената 30-годишна новинарка од Русе. Властите работат на сите верзии. Не е исклучено убиството на Викторија Маринова да е поврзано со нејзината работа. Во моментов, сепак, сè уште нема притворени и осомничени, пренесуваат бугарските медиуми.
Телото на новинарката од Русе беше пронајдено вчера. Викторија Маринова била брутално претепана и силувана, а потоа задушена. Жената била и административен директор на Русе ТВ.
Во единствената епизода на емисијата „Детектор“, која неодамна ја презеде Викторија, новинарката зборува за корупција и злоупотреба на фондовите на ЕУ.
Во моментов нема доволно докази за да потврдат дека грозоморното дело е извршено поради епизоди на емисијата, но верзијата не се исклучува од истражните органи.
"Новинарката водела магазинска емисија претходно. Сегашната емисија „Детектор“ ја преземала неодамна и има само една епизода. Во прва епизода на преносот не се зборува за злоупотреби и слично, а има само интервјуа на уапсените новинари од друг случај“, објасни Богдана Лазарова во утринската емисија
Според неа, најдено е многу ДНК, што укажува на тоа дека криминалот не бил извршен од страна на искусен убиец.
„Опасно е да си државјанин кај нас. Опасно е и да си новинар. Во новинарската професија има доста голема самоцензура. Оваа агресија и она што го гледаме, се предизвикани од чувството за неказнивост. Затворите се полни, но со Роми и ограбувачи“ изјавила новинарката.
Според новинарот Стефан Ташев не треба да се издаваат пресуди однапред и општеството да се прилагодува против одредени луѓе.
„И јас не се согласувам со пишувањата на Facebook дека оваа трагедија е факт поради истрагите на убиената. Не треба партиите да прават слични протести. Убиството е извршено со многу бес. Соодветно имало некаков лично однос. Не треба да се манипулира јавното мислење“ тврди Ташев .
Тој додава дека верува и се надева дека во наредните денови Министерството за внатрешни работи ќе ја заврши својата работа и ќе се открие убиството.
Фото: Фејсбук профил на убиената новинарка