Вилма Русковска добива пет нови обвинители
Објавено во: Македонија 06 Август, 2020
Oбвинителката Вилма Русковска побара осум, но добива пет нови обвинители.
Обвинителството за гонење организиран криминал и корупција, ќе добие пет нови обвинители.
Според претседателот на Советот на јавни обвинители, Ацо Колевски, одлуката за пет обвинители е поради хроничниот проблем со недостиг на кадар ширум државата
Систематизација е направена во согласност со новиот Закон за јавно обвинителство, кој стапи на сила пред еден месец, според која Обвинителството на Русковска би требало да брои 18 обвинители, вклучително со шефицата. Но, оттаму тврдат дека и ова е мала бројка за потребите на Обвинителството.
Колевски тврди дека состојбата со кадар не е идеална, поради одење во пензија, а во моментов недостасуваат 60 јавни обвинители.
Според Колевски некои обвинителства ќе мора да се затворат, како тоа во Тетово, Прилеп, Битола, Гевгелија и Свети Николе, каде ќе немаат ниту еден јавен обвинител.