17 Јануари, 2020
0.0186

Висат платите на 80 вработени од СЈО

Објавено во: Македонија 09 Октомври, 2019

Виси платата на 80 вработени во Специјалното јавно обвинителство, бидејќи нема кој да го потпише налогот за плати. 

Според информациите на Фактор, последната плата за август ја потпишала тогашната заменичка на Катица Јанева, обвинителката Елизабета Јосифовска, но на понатамошните плати веќе ќе нема кој да го стави својот потпис, бидејќи сите специјални обвинители беа разрешени и вратени во нивните матични обвинителства. 

Затоа, околу 80 вработени од СЈО се убедени дека значајно ќе им доцни септемвриската плата, односно сигурно нема да ја земат до последниот рок, 15 октомври, но се прашуваат и како во иднина ќе ги земаат своите месечни примања. 

Ова од причина што судбината на вработените во СЈО треба да се реши со новиот закон за јавно обвинителство, за кој во овој период без успех преговараат владејачката СДСМ и опозициската ВМРО-ДПМНЕ. Лидерот на опозицијата Христијан Мицкоски вчера во интервју за Телевизија 24 изјави дека партиите немаат официјални средби и работат на ниво на документи. Иако не се исклучува можноста решение да се најде до 15 октомври, прашање е дали тоа ќе се случи, дотолку повеќе што иднината на предметите на СЈО е загарантирана, односно тие им се предадени на обвинителите кои од СЈО сега се префрлени во матичните обвинителства.

„Нам не ни останува друго освен да доаѓаме на работа, бидејќи согласно законот, СЈО функционира до 15 септември 2020 година, иако мандатот на специјалната обвинителка заврши на 15 септември годинава“, велат вработени од СЈО.

Според нашите сознанија, истражителите на СЈО, од кои дел се вработени во МВР, а дел во Финансиската полиција, ќе земаат плата преку нивните матични институции.

А инаку, во СЈО, покрај 80-те вработени и истражителите, на работа доаѓаат и сите специјални обвинители, кои беа преземени од матичните обвинителства. Ова од причина што, како што и тогаш, а и сега објаснуваат од Основното јавно обвинителство, нив им се доверени предметите на СЈО, и бидејќи станува збор за обемни предмети, од безбедносен аспект, подобро е материјалите да останат во просториите на СЈО. 

Платите на обвинителите веќе ќе се исплатуваат преку матичните обвинителства, а за тоа кога и физички ќе се префрлат таму, засега нема информации, иако според нашите сознанија, не е исклучено тоа и набргу да се случи. 

( Н.Н.Ф.)

 

Можеби ќе ве интересира

Спасовски преку амбасадорот му испрати писмо со честитки на новиот руски премиер

Спасовски преку амбасадорот му испрати писмо со честитки на новиот руски премиер

Апасиев оптимист - очекува да освои 4 до 5 пратеници на изборите

Апасиев оптимист - очекува да освои 4 до 5 пратеници на изборите

НАДЕЖТА НЕ УМИРА ТАКА ЛЕСНО КАЈ МЕРКЕЛ: Канцеларката очекува датум за Македонија во мај

НАДЕЖТА НЕ УМИРА ТАКА ЛЕСНО КАЈ МЕРКЕЛ: Канцеларката очекува датум за Македонија во мај

Вооружен грабеж во НЛБ во Ѓорче Петров, клиентите и вработените безбедни

Вооружен грабеж во НЛБ во Ѓорче Петров, клиентите и вработените безбедни

Заев остана да живее во Скопје

Заев остана да живее во Скопје

ШТО ИМ ПОРАЧА НИКОЛОВСКИ НА СВОИТЕ: Не се фоткајте по кафеани и внимавајте со фејсбукот

ШТО ИМ ПОРАЧА НИКОЛОВСКИ НА СВОИТЕ: Не се фоткајте по кафеани и внимавајте со фејсбукот

Претседателот на ДИК го искритикува СДСМ за „персоналецот“

Претседателот на ДИК го искритикува СДСМ за „персоналецот“

СЕ ПОДГОТВУВА ЛИ ЗА МИНИСТЕР - и Костадинов одговори на 30 прашања

СЕ ПОДГОТВУВА ЛИ ЗА МИНИСТЕР - и Костадинов одговори на 30 прашања

Градоначалникот на Шуто Оризари, Курто Дудуш, призна вина пред судот

Градоначалникот на Шуто Оризари, Курто Дудуш, призна вина пред судот