03 Декември, 2020
0.0296

Витаминка има „лек за корона“! Прочитајте каков?

Објавено во: Економија 06 Август, 2020

„Витаминка“ одржа лекција по оптимизација и ангажман на ресурси, планирање и пазарна пенетрација и во услови на COVID 19 успеа да ја зголеми нето добивката за 25 отсто во споредба со лани. Најголемата прехранбено-кондиторска индустрија за половина година оствари приходи од продажба во износ од 18,9 милиони евра, ја зголеми продажбата на домашен пазар за 10 отсто во однос на лани и на пола година има добивка од 154.000 евра

Најголемата македонска прехранбено-кондиторска индустрија во првата половина од годинава има прекрасни и охрабрувачки резултати од работењето. Еден од најреномираните македонски производители на грицки, храна и колачи со кои растеле и растат генерации Македонци во периодот април – јуни оствари приходи од продажба во износ од 8,7 милиони евра! За првите шест месеци годинава приходите од продажба изнесуваат 18,9 милиони евра и се за 742.000 евра повисоки од истиот период лани односно 4 отсто раст во услови на корона состојба.

Домашната продажба на „Витаминка“ за првите шест месеци изнесува 11,74 милиони евра и тука на овој сегмент компанијата бележи раст од 10 отсто. Вториот „корона“ квартал дури „Витаминка“ успеала да одржи ниво на домашната продажба малку пониско во однос на првите три месеци годинава. Така од јануари до март продажбата дома изнесува 6,3 милиони евра, а во периодот април-јуни продажбата достигнала 5,44 милиони евра.

Извозот на производите на прилепската индустрија за првите шест месеци изнесуваат 7,2 милиони евра што е само за 4 отсто послаб резултат од истиот период лани. Во првиот квартал продажбата изнесува 3,9 милиони евра, а во второто тромесечје (април – јуни) 3,3 милиони евра.

Оперативните расходи на друштвото на првото полугодие изнесуваат 18,1 милиони евра и бележат раст за 4 отсто во споредба со истиот период лани. Најголемо учество, очекувано, во структурата на расходите имаат трошоците за суровини со 11,15 милиони евра. Втора најголема расходна ставка се трошоците за вработените кои изнесуваат 3 милиони евра.

Оперативната добивка на „Витаминка“ во првото полугодие е за 14 отсто повисока од истиот период лани и изнесува 357.400 евра. Тоа укажува дека компанијата и во услови на пандемија работела подобро од лани врз што многу веројатно дека имале влијание и државните стимулации на купување домашни производи. По „вагањето“ на финансиските расходи од финансиските приходи каде расходите се повисоки за 187.000 евра компанијата остварила добивка во износ од 154.000 евра за првите шест месеци годинава. Профитот на „Витаминка“ годинава е за 25 отсто повисок во споредба со истиот период лани. 

Р.Ф. 

Можеби ќе ве интересира

Нема да има санкции за метежот на Црн Петок во шопинг-центрите, само евентуално за цените

Нема да има санкции за метежот на Црн Петок во шопинг-центрите, само евентуално за цените

КОЈ НЕ ДОБИЛ, ЌЕ ИМА ИСПЛАТА: Се уште тече исплатата на повратот на ДДВ за јули, август и септември

КОЈ НЕ ДОБИЛ, ЌЕ ИМА ИСПЛАТА: Се уште тече исплатата на повратот на ДДВ за јули, август и септември

Фатмир Битиќи: Собрав 20-тина водечки економски експерти на едно место

Фатмир Битиќи: Собрав 20-тина водечки економски експерти на едно место

Азески: Берлинскиот процес се враќа во Берлин, а ние на Балканот - има ли алтернатива?

Азески: Берлинскиот процес се враќа во Берлин, а ние на Балканот - има ли алтернатива?

Конфискуван имот од 9 милиони евра, главно недвижнини на „Трансмет“ на Водно, во Скопје и околината

Конфискуван имот од 9 милиони евра, главно недвижнини на „Трансмет“ на Водно, во Скопје и околината

Како работат осигурителните компании во корона услови?

Како работат осигурителните компании во корона услови?

ТЕ-ТО останува најголем даночен должник: Кој лани избрза со државната помош и одложувањето на долгот?

ТЕ-ТО останува најголем даночен должник: Кој лани избрза со државната помош и одложувањето на долгот?

ГИ ЦЕНАТ РАБОТНИЦИТЕ: Ова е земја која нуди високи плати и многу можности

ГИ ЦЕНАТ РАБОТНИЦИТЕ: Ова е земја која нуди високи плати и многу можности

РОКОТ ТЕЧЕ: Работниците чекаат К-15

РОКОТ ТЕЧЕ: Работниците чекаат К-15