Владата го утврди Предлог-законот за високо образование
Објавено во: Македонија 14 Март, 2018
Предлог-законот за високо образование е разгледан и утврден од страна на Владата на Република Македонија. Од таму е донесена одлука, веднаш по усогласување на одредени членови, да биде пуштен во собраниска процедура до негово усвојување.
Со овој закон се уредуваат автономијата на универзитетот и академската слобода, условите и постапката за основање, статусни промени и престанок на високообразовните установи, нивната дејност, системот за обезбедување и оценување на квалитетот на високото образование, основите за организација, управување, развој и финансирање на високообразовната дејност, правата и обврските на студентите, како и признавањето на странските високообразовни квалификации и надзорот над работата на високообразовните установи.