Добивај вести на Viber
На полноќ се затвора грчката национална телевизија ЕРТ. Како што објави Катимерини, Самарас донел одлука ЕРТ да се затвори и да почне одново со работа по извесен временски период, но помалку вработени.
Според најавите кастрењето на работниците е во согласност со барањата на меѓународните кредитори за намалување на бројот на вработени во државниот сектор, соопшти грчката влада.
Официјално соопштение се уште нема, но портпаролот на владата, Симос Кедикоглу изјави дека ЕРТ е „рај на трошењето“, но не посочу колку од вработените повторно ќе бидат вратени на работа.
Вработените во ЕРТ одржале генерално собрание и донеле одлука дека остануваат во зградата и ги повикуваат сите да ги поддржат. Коалиционите партнери во владата, ПАСОК и Демократската левица застанаа во одбрана на ЕРТ и се против затворањето на националната телевизија.
Грција до крајот на 2014 година треба да скрати 15.000 работни места, од кои 4.000 треба да бидат скратени годинава, пишуваат светските медиуми.