Владата на Ципрас ја доби довербата на пратениците
Објавено во: Балкан 16 Јануари, 2019
Парламентот со 151 глас ѝ изгласа доверба на Владата на премиерот, Алексис Ципрас.
Пратениците вечерва поединечно гласаа за доверба на Владата на Ципрас.
Ципрас го обезбеди потребното мнозинство со шестмина пратеници, пратеникот на Река, Спирос Данелис, четворица на партијата на Каменос, Василис Кокалис, Елена Кундура, Танасис Папахристопулос и Костас Зурарис, како и независната пратеничка Катерина Папакоста.
Премиерот најави дека 2019 година ќе биде различна за Грција. Земјата зад себе ќе ги постави социјалните проблеми што ги предизвикаа Неа Демократија и ПАСОК за време на нивното владеење од 2010 до 2015 година.
Грчкиот парламент има 300 пратеници.