18 Мај, 2021
0.0269

Владата повторно инјектира милионски суми во државната компанија НЕР

Објавено во: Економија 15 Април, 2021

Владата повторно инјектира пари во државната компанија Национални енергетски ресури (НЕР). Комисијата за хартии од вредност за последната седница ја одобри деветта емисија на акции, со која НЕР АД Скопје ќе издаде 22.692 обични акции со номинална вредност од 100 евра по акција и вкупен номинален износ од 2.269.200 евра.

И оваа милионска сума се прибира по пат на приватна понуда односно е за познат купувач - Владата. Таа е практично постојниот единствен акционер. Друштвото издава хартии од вредност заради зголемување на основната главнина, односно заради создавање услови за непречено функционирање во услови кога НЕР нема други приходи.

На последната осма емисија која беше во февруари годинава Владата вложи во оваа компанија 162.000 евра.

Во меѓувреме Владата односно НЕР со години не успеава да го изгради националниот гасовод, а ниту пак секундарната и терцијарната мрежа до домаќинствата.

Фирмата е одговорна за изградбата на гасоводот и ако не земе пари од државата ќе треба да се задолжи со кредит или да позајми од други државни институции. 

Нема информации за што точно се овие пари. Инаку НЕР досега го изгради магистралниот гасовод од кумановско Клечовце до Штип кој всушност беше компензиран со руски фирми за стар клириншки долг, но по таа траса се уште нема гас и покрај тоа што поминаа години по изградбата. 

деновиве повторно стаса најава дека оваа година ќе заврши изградба на магистралните гасоводи од Скопје до Гостивар и од Неготино до Битола со што ќе се поврземе на преносниот систем на гас. Министерот за транспорт и врски Благој Бочварски изјави дека следат нови проекти за интерконекциско поврзување со Грција, Косово и Србија

Моментно се гради магистралниот гасовод Скопје-Тетово Гостивар  која чини 29 милиони евра, а до сега изградени се околу 80 проценти од трасата или заварени се 53 километри цевки од вкупно 86 километри колку што изнесува вкупната должина на овој проект.  

„Ги користиме сите технички и човечки ресурси за да може што поскоро да ги завршиме започнатите магистрални делници а воедно да отпочнеме и нови проекти за гасификација на цела територија на државата. Значењето на гасот е силно потенцирано и од граѓаните и од бизнис секторот и затоа ги охрабрувам, ние цврсто стоиме на нашите определби гасот да го доведеме до сите корисниици. Очекувам оваа делница да биде завршена годинава,  имаме чист терен за работа а изградбата се одвива со добра динамика. Исто така и магистралниот гасовод од Неготино до Битола е во завршна фаза и тој ќе биде оперативн оваа година. Во однос на новите проекти, за оваа година планираме да отпочнеме постaпки за изгрaдба на делницата од Неготино до Гевгелија и да се поврземе со конкеторот со Грција, а веќе слeдната да отпочнеме со два нови магистрални делници од Велес до Свети Николе и од Гостивар до Кичево”, изјави Благој Бочварски, министер за транспорт и врски. 

Директорот на Национални Енергетски Ресурси, Бајрам Реџепи истакна дека со завршување на овој проект оваа година, цел Полошки регион и западниот дел од Скопје ќе имаат пристап до преносниот систем на гас.

Оваа година треба да почне да се прави и постапка за изградба на интеконекторот со Грција, а се завршува со физибилити студија за поврзување со интеконекторот со Косово. 

Сепак слични најави имаше и претходно.

Александра Томиќ


Можеби ќе ве интересира

Анѓушев демантира дека е поврзан со увоз или користење на токсични масла

Анѓушев демантира дека е поврзан со увоз или користење на токсични масла

Ќе се направи супер анализа за македонското брашно кое е вратено од Косово

Ќе се направи супер анализа за македонското брашно кое е вратено од Косово

Промени во врвот на Европа: Кој седи во директорските фотелји на фабриката за чоколади и вафли

Промени во врвот на Европа: Кој седи во директорските фотелји на фабриката за чоколади и вафли

Бектеши вели дека инспекторатот предводен од Стојко Пауновски не го контролирал независно квалитетот на горивото

Бектеши вели дека инспекторатот предводен од Стојко Пауновски не го контролирал независно квалитетот на горивото

ОД ПРВИОТ ПОВИК ВЛАДАТА НЕ ОДБРА НИ ЕДЕН, А РАСПИША НОВ ОГЛАС ЗА СТРАТЕШКИ ПРОЕКТИ - кој ќе вложи 100 или 150 милиони евра во земјава и во што

ОД ПРВИОТ ПОВИК ВЛАДАТА НЕ ОДБРА НИ ЕДЕН, А РАСПИША НОВ ОГЛАС ЗА СТРАТЕШКИ ПРОЕКТИ - кој ќе вложи 100 или 150 милиони евра во земјава и во што

Следните денови точиме горива по овие цени

Следните денови точиме горива по овие цени

Лани 10 милиони евра повеќе потрошени за лекови во болниците и поликлиниките

Лани 10 милиони евра повеќе потрошени за лекови во болниците и поликлиниките

Бизнисот со самопослуги во корона криза порасна до 170 милиони евра! Кои се најголемите ланци супермаркети?

Бизнисот со самопослуги во корона криза порасна до 170 милиони евра! Кои се најголемите ланци супермаркети?

ОД СКОПЈЕ ДО ГОСТИВАР И ОД ПРИЛЕП ДО МАКЕДОНСКИ БРОД: Лекари живеат во еден, а работат во друг град

ОД СКОПЈЕ ДО ГОСТИВАР И ОД ПРИЛЕП ДО МАКЕДОНСКИ БРОД: Лекари живеат во еден, а работат во друг град