Владата прифати дури 20 амандмани од опозицијата за антикорупцијата

Добивај вести на Viber

Собраниската седница за приоритетно изгласување на Законот за Антокорупциска по жолчните расправии помеѓу власта и опозицијата не беше изгласан вчера, но се очекува тоа да се случи денеска. Претседателот на Собранието Талат Џафери ја закажа седницата за 16 часот. 

Вчерашниот ден заврши со приближување на ставовите на двете страни откако владеачкото парламентарно мнозинство прифати дури 20 амандмани од вкупно 40 поднесени од опозицијата.

Од парламентарната група на ВМРО-ДПМНЕ најмногу реагираа на тоа дека тој се носи по скратена постапка, а министерката за правда Рената Дескоска им одговори дека тие така се однесуваат затоа што не им одговара носењето на овој закон, алудирајќи на тоа дека новиот состав на Антикорупциска ќе има право да упаѓа во личните банкарски сметки.

На ова реагираше и кординаторот на ВМРО-ДПМНЕ, Никола Мицевски кој рече оти тие сакаат да учествуваат во оваа расправа и несериозни се ваквите обвиненија. Меѓу забелешките кои ги имаа се и оние кои се однесуваат на бројот на членови на комисијата, односно да не биде поголем од 5-мина, наместо предвидените 7.

„Крајно време е да прекинат блокадите и деструкциите и партиските интереси да се стават настрана. Време е Македонија да добие вистински силна и целосно независна Држава за спечување на корупција.“  рече Јован Митревски од СДСМ.