Владата во Италија падна, земјата влегува во политичка криза
Објавено во: Свет 20 Август, 2019
Падна италијанската Влада, а премиерот Џузепе Конте си поднесе оставка.
Тој денеска пред италијанскиот Сенат поднесе оставка, откако десничарската Лига, на чие чело е министерот за внатрешни работи Матео Салвини, одлучи да ѝ ја ускрати поддршката на Владата. Конте го спречи гласањето за доверба на Владата.
Конте изјави дека одлуката на Салвини „има големи последици за земјата и за нејзината економија“.
Оставката на Конте нема автоматски да предизвика предвремени парламентарни избори. Претседателот Серџо Матарела може да побара од него да се обиде да формира друго мнозинство во парламентот или да најде некој друг лидер кој би можел да формира нова владејачка коалиција, без распишување избори.
Доколку нема нова коалиција, Матарела ќе го распушти Парламентот и да распише избори, кои најрано може да се одржат во октомври.
Партијата Лига на Салвини бара предвремени избори, а тоа го поддржуваат и партијата Напред Италија на поранешниот премиер Силвио Берлускони и крајно десничарската партија Браќа на Италија.
Италија има економски проблеми, таа мора да ги намали своите долгови и да ги санира банките.
Можеби ќе ве интересира
ИНЦИДЕНТ ВО ПАРИЗ: Маж се закануваше дека ќе се разнесе во иранскиот конзулат
ПРЕЖИВУВАЊЕТО НА УКРАИНА Е ВАЖНО ЗА САД: Tрамп го смени ставот?
ВО СЛУЧАЈ НА ВОЗДУШНА ВОЈНА: Клучни информации за способностите на Иран и Израел
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
САД со вето го блокираше полноправното членство на Палестина во ОН
„НУКЛЕАРНИТЕ ПОСТОЈКИ НЕ СМЕААТ ДА БИДАТ ЦЕЛ НА ВОЕНИ КОНФЛИКТИ“: предупредување од Меѓународната агенција
ИЗРАЕЛ ИЗВРШИ ВОЕНА ОПЕРАЦИЈА ВО ИРАН: Дали Иран ќе му одговори на Израел? „Нашиот следен одговор ќе биде брз“
ЕВЕ КАКО ВСУШНОСТ СЕ ПРАВИ „СЕЕЊЕТО“ НА ОБЛАЦИ ВО ДУБАИ: Експерт оттаму објасни сѐ
ПОИСПЛАТЛИВО ИМ Е ДА ЖИВЕАТ ВО ХОТЕЛ, ОТКОЛКУ ВО СТАН ПОД КИРИЈА: Неверојатни цени на киријата во Швајцарија
