Владимир Мишо Чеплак е нов член на Одборот на директори на Триглав Осигурување Живот, Кајтазовиќ си заминува на нејзино барање
Објавено во: Финансии 08 Јуни, 2021
Владимир Мишо Чеплак ќе биде нов неизвршен и независен член на Одборот на директори на Триглав Осигурување Живот, соопшти компанијата преку Македонската берза за хартии од вредност.
Тој доаѓа на местото на Јасна Кајтазовиќ, која досега ја извршуваше оваа функција, а сега си заминува на нејзино барање.
„Согласно член 166-б од Законот за хартии од вредност, Ве известуваме дека по одржаното Собраниое на акционери на 28 мај 2021 година, на ѓ-ѓа Јасна Кајтазовиќ, неизвршен и независен член на Одборот на директори на Триглав Осигурување Живот АД Скопје, на нејзино барање и престана членството во Одборот на директори. На местото на Јасна Кајтазовиќ е избран Владимир Мишо Чеплак“, известија од оваа осигурителна компанија.
Каско што соопштија од Триглав Осигурување Живот Скопје, Одборот на директори сега го сочинуваат Тедо Дјекановиќ, неизвршен член и претседател на Одборот на директори, Вилма Учета Дузлевска, извршен директор и извршен член на Одборот на директори, независен неизвршен член на Одборот на директори, Иван Сотошек, неизвршен член на Одбор на директори, Ѓорѓи Јанчевски, независен неизвршен член на Одбор на директори, и Владимир Мишо Чеплак, неизвршен независен член на Одборот на директори.