Владина седница во 16 часот, крај и за вонредната состојба
Објавено во: Македонија 26 Мај, 2020
Владата ќе одржи седница денеска во 16 часот, потврдуваат оттаму за Фактор. Во моментов во тек е седницата на кризниот штаб во Владата на која се дискутираат препораките на Комисијата за заразни болести од денеска.
Како што објавивме, денеска Комисијата предложи укинување на полицискиот час и отворање на границите од 1 јуни. Според препораките се сугерира отворање на угостителските објекти и рестораните од четврток.
Инаку извори за Фактор брифираат дека поради тоа што овие препораки се олеснителни, ако ги прифати, најверојатно Владата нема да бара ново продолжување на вонредната состојба по 1 јуни.
А.Т.