Власта ќе преземе мерки ако се утврдат неправилности при пораст на цените на одредени производи
Објавено во: Економија 12 Април, 2021
Ако се утврдат неправилности при пораст на цените на одредени производи, ќе бидат преземени мерки, вели вицепремиерот за економски прашања Фатмир Битиќи.
Тој најави дека наскоро ќе се излезе со податоци од контролите.
„Сега единствениот механизам ни е преку пазарната инспекција да утврдиме дали има неправилности и дали има навистина зголемување на цените на вештачки начин. И веќе ние ги следиме секојдневно, не само од јавувањето на граѓаните. Ние и самите го следиме движењето на цените. Веќе има таква интервенција на неколку субјекти. Наскоро ќе излеземе со податок што точно ќе направиме и секако сите тие што се обиделе да профитираат или во овој момент кога на сите нас ни е тешко да изнесат максимална добивка од состојбата се што е законски ќе се преземе“, рече Битиќи во гостување на ТВ Сител.
Во врска со покачувањето на цената на маслото за јадење, Битиќи вели дека во некоја мера е оправдано поради светско движење на цените.