Власта се повлече од законот за пазарџиите, ќе се работи на нов
Објавено во: Економија 19 Јануари, 2019
Владеачкото мнозинство предводено од СДСМ се повлекува од актуелните измени на Законот за трговија со кој им се наметнаа лиценци на продавачите на зелените пазари и ограничувања за тоа кој се може да работи и да закупи тезга.
- Предлагаме негово одложување до 1 септември, а до тогаш ќе најдеме друго законско решение.- рече денеска кратко пратеникот Горан Милевски.
Зелените пазари денеска работат како и вообичаено по вчерашните протести, а во понеделник е најавен состанок а наоѓање ново решение.
Екрем Долек, претседателот на Комора на трговци, која треба да ги наплаќа лиценците тврди дека организаторите на пазарите се тие кои ги наметнале протестите затоа што се исплашиле дека со актуелните аконски прописи ќе бидат откриени нивните скриени теги.
- Дознав дека се криела вистинската бројка на тезгите пред властите, дека тука имало голем криминал.н Организаторите на пазарите сами ги заклучуваа пазарите и ги тераа продавачите да не работат - рече Долек за Телма.
Ова законско решение не го поддржува ниту Стопанската комора на Македонија.