Властите во Шри Ланка идентификуваа еден од бомбашите самоубијци
Објавено во: Свет 22 Април, 2019
Познат идентитетот на еден од самоубијците бомбаши во Шри Ланка. Властите го идентификуваа еден од напаѓачите, кои извршија терористички напад врз цркви и хотели во Коломбо, пишуваат европските медиуми.
Идентификувано е телото на атентаторот кој се самоуби со бомба во хотелот „Шангри Ла“, соопштила полицијата во Шри Ланка. Терористот се вика Инсан Селавин и е сопственик на фабрика која се наоѓа на исток од Коломбо.
Исто така, полицијата соопштила пред судот во Коломбо дека се приведени девет работници од фабриката за распит за нападот. Истражувањето покажало дека Селавин е поврзан со атентаторите – самоубијци кои нападнаа на седум различни места во Шри Ланка.
Засега се приведени 24 лица од властите в земјата, кои се водат како осомничени или поврзани со терористичките напади. Приведените лица се муслимани.