ВЛЕАНИ МИЛИОНИ: Колку пари донесоа туристите за шест месеци
Објавено во: Економија 16 Ноември, 2018
151,2 милиони долари е сумата на директно влеани пари од туристите во првите шест месеци годинава.
Ова го истакна првиот човек на Агенцијата за промоција и поддршка на туризмот Љупчо Јаневски во интервју за МИА кој вели дека статистиката покажува добра кондиција на Македонија во поглед на туризмот.
Јаневски посочува дека за 15 проценти пораснал бројот на туристи во последните осум месеци а бројот на ноќевања се зголемил за 16 отсто при што има 26,5-процентно зголемување на директниот девизен прилив во македонското стопанство од секторот туризам.
-Се надевам дека Македонија оваа година ќе има 1,2 милиони туристи и 3,2 милиони ноќевања, со вкупно остварени околу 400 милиони долари директен економски импакт од туризмот вели директорот на Агенцијата додавајќи дека тоа вопшто не е мала бројка ако се земе предвид фактот дека туризмот е двигател на економијата во одреден број земји.